kafory.mom
مراقب ميوزيكـــا
عدد الرسائل : 54
العمر : 36
مستوى النشاط :
مزاجى : 
نقاط : 18
تاريخ التسجيل : 06/03/2009
 |  موضوع: موضوع: يااااااااااااااارب .. شوية كراهيـــــة بقى ... الحب مالي البلد من !MizOo الجمعة مارس 06, 2009 2:39 pm | |
| مجموعة حاجات لذيذة كده شفتها وسمعتها لميتها في حاجة لذيذة كده ليكم مع ان ممكن يكون حد سمعها قبل كده بس عادي انا بس حبيت انقلهلكم
يا اخونا انتوا مش ملاحظين ان الكلام العاطفي والتعبيرات الرومانسية زادت اوي اليومين دولدي مش بس زادت دي رطرطتت
حبيب قلبي روحي نورعيني واحشني ياغالي انت فينك ياقمر والنعمة الشريفة بموت فيك
الكلام الحلو ده كله مكانش في قاموسنا اليومي قبل كده والكلام ده مش بس بيقوله راجل لست او ست لراجللا راجل لراجل وست لست واي حد تقابله يروح رازعك طقم حنيه كده من غير اي مناسبة وساعات بيكون من غير سابق معرفهالشيء الغريب ان شلال الكلام الحلو ده وتعبيرات الحب الفظيع ده جاي في وقت فيه الحب انتهي تماما والناس ما بقتش طايقة بعضها
والحقيقة ثورة الموبايلات اخترعت لينا وسائل جديدة للتعبير عن الحب مسدجات ورنات جاهزة ولا تتعب نفسك يادوب تدوس سيند وصلت ياباشا
وكلنا طبعا فاكرين عبدالحليم حافظ ولبنى عبدالعزيز في الوسادة الخالية ومكالمات التليفون اللي كانت شغالة بينهم طول الليل ولبنى بتقوله بصوتها اللي يدوخ ... اقفل بقى ياصلااااح وصلاح مش عايز يقفل كانت بتقوله صلاااح بطريقة يالهوتيتي ايـــه ده
كان نفسي اسمي يبقى صلاح .. من حلاوة صلاح اللي بتقولها
وطبعا عبدالحليم ولبني كانوا بيتكلمو بالساعات من غير اي مشاكل لان مصلحة التليفونات كانت بتدفع للناس فلوس عشان يتكلموا في التليفونات عشان يشجعوا الناس تتكلم
وظهرلنا بقى مع ظهور الموبايل قاموس عاطفي جديد تلاقي اللي بتكلمك في نهاية المكالمة تقولك يالله باي كانها مش قادرة تسيبك ايه يالله باي دي وبعدين طلعت حاجة جديدة سي يو بقى سي يو ايه سي يو ديوفي نهاية المكالمة بقى بعد يالله باي وسي يو دي بقى وهقفل السكة في وشها تقولي تيك كير ها تيك كيريعني ايه تيك كير هي بتكلمني بتسلق الجبل وخايفة اقع على رقبتي ولا بتخانق مع ناس في الدويقة واحتمال مرجعشتيك كير كده .... خلي بالك من نفسك ... يعني اتيك كير من ايه لا وحاجة تانية تغيظ اوي بقى لما تتصل بيك واحدة وتقول الو وتلاقيها اتخضت اوي وتقولك مالك صوتك مش عاجبني طمني عليكانا مقولتش غير الو احلفلها اني كويس جدا ومافيش حاجة مش مصدقاني فكراني مخبي عليها المصيبة اللي انا واقع فيهابليز قولي متخبيش عليا حاجة ايه القصة يا اخونا والنعمة مافيش اي حاجة ولازم طبعا تجاري مشاعرها مدام هي مخضوضة لازم يبقى عندك حاجة تخضامال اسيبها تتخض على الفاضي كدهمافيش اصل عندي شوية انفلونزاتقوم مصرخة مع اني كنت بطمنهاومروحتش لدكتور لحد دلوقتي انت بتستهبلانت لازم تعمل تشيك اب .... لا يمكنالولية دي بتصوت على مين ده بيقولك عنده شوية انفلونزا عادي يعني مش انفلونزا الطيور
وتلاقي كل اللي حواليك نازلين حب في بعض وخوف على بعض
كل الكلام حلو كل الاحضان دافئة كل اللقاءات اسبايسي لدرجة ان احنا عندنا اتنين فلانتين واحد في فبراير وواحد في نوفمبر
امال نودي الحب اللي عندنا ده كله فين
وفي الافراح بقى تلاقي المعازيم نازلين رقص وزغاريد والعروسة والعريس في منتهى السعادة .. بحب الناس ليهمبس قرب كده من اي ترابيزة ولمع الاوكر هتلاقي المعازيم نازلين تقطيع في فروة العروسة والعريس ودي حولة ودي بضب لا الواد معصعص ده فلاح عشنا وشفنا الاهبل في الكوشةياختي ربنا يهني سعيد بسعيده
ولو دخلت عزا تلاقي الناس نازلين عياط ونهنهة لدرجة انك متعرفش الميت ده اصلا قريب مينقرب منهم بقى ولمع الاوكر تلاقي اللي كان نازل نهنهة و حاطط راسه بين ايديه ايده بيقول للي قاعد جمبه سمعت اخر نكته ويروحوا فطسانين على نفسهم من الضحك
حب .. حب .. حب في كل حته حب في الكافيهات في الشارع في النوادي في المصالح الحكومية مش شايف قدامي غير عشاق ونظرات وتسبيل وعواطف
يااااااااااااااارب .. شوية كراهيـــــة بقى ... الحب مالي البلد
احلى شباب بحبكم جدا .. شاب شاب وشابة شابةوحتى اللي مش هنا في السايت .. بحبهم جدا انا مش قادر اوصفلكم قد ايه بتوحشوني
عموما انا مش هنام لحد ما اطمن عليكميالله باي سي يو.. تيك كير بقى هه تيك كيربليز اعملوا تشيك اب عشان انا قلقان عليكمشكلكم مش عاجبني خالص
تيك كير بقىتخاريف ايوان Awlan Kalamak Sa7
Sanyan Mahma El Nas Akalmat Odamk Aw Ma3ak Be 7ob
Rabina Madena A7asas
Namyez El Kalam Dah Fa3lan Men Alb
Wala Kalam W 7'alas
W Dayaman Batala2y Ely 3ayaz 7aga
Ba3ad Ma Ya2ol Kol El Kalam Dah
Yabda2 Yatalob Howa 3ayaz Eh ده بيبكي وهو مفارق.. ده مفارق ومهوش فارق | |
|
