نـــصـــــائــحــي لــكــل بـــنــــت مـــخـــطــوبــة او مــرتــــبـــطـــة

بصى بئى يا بنتى

.. لو ربنا فك عقدتك.. واتخطبتي.. نصائحي ليكى عشان تخذي بخطيبك من مركب الخطوبة إلِّلي محدش عارف هترسى على إيه.. إلى مثوااااه الأخير في قصدي قفص الزوجية السعيد ..

أجمل ما في الخطوبة العزومات الرومانسية.
. على أحلى محلات أكل في البلد.. واللي عمرك مانتي شايفاها بعد الجواز.. خالص المهم نصائحي ليكى عند أي عزومة مع خطيبك.. قلنا انك تكونى رقيقه

الأول لازم تعرفي إن الشوكة والسكينة بيتمسكوا من إيديهم من الطرف يعني مش من الوسط ولا من البوز زي الخنجر ولا من فوق طبعًااا
2 -
العيش أوعي تفضحينا ربنا يسترك وتقطعيه بسنانك.. ولا تقطعى الرغيف نصين بإيدك وكل نص لقمة وتحشري.. أوعي.. العيش بيتقطع بالسكينة في الطبق.. وبعدين تاخدي لقمة.. لقمة .. بالعافية.. قال ايه يعني نفسك مسدودة..يا ستى اضغطي على أعصابك شويه وبعدين لما تروَّحي.. إبقي حِـفِّي زي ماانتِ عايزة

نيجى بئى

للشوووربة.. أبوس رجلك.. موضوع الشوربه ده مهم اوى اا
الشوربة تتشِرب من غير صوت خالص.. ومن غير ماتقعدي تنفخي فيها.. زي القهوجي اللي بينفخ في الحجر للزبون.. وطبعًاااااا عايزِك تنسي خالص السلطانية اللي بترفعيها على بقك في البيت وتدلدئي على روحك .لاء طبعا تشربى .بالمعلقة ومن غير صوت.. سخنة, ولعة , برضه بدون صوت وتسيبي تلت الطبق ع الأقل.. مش تميليه.. عشان تلهطيها لآخر نقطة
4 -
الرز طبعاً .. بيتّاكل بالشوكة.. أوعي إيدك تتمد على المعلقة وتغرفي من طبق الرز وتعبّي.بلاش فضايح . إوعي.. الرز بالشوكة.. وكإنك بتبوسيه مش بتاكليه اتكيت يعنى
5 -
المكرونة.. الاسباجتي.. برضه بالشوكة.. تتلف على طرف الشوكة.. لحد ما تخلص وبعدين تحطيها ف بؤك من سكات.. مش تشفطي المكرونة عود عود

السمك.. مشكلة.. شوفي.. بتفصلي اللحم عن الشوك إزاي..؟؟ تقطعي اللحم من النص.. بالطول وبعدين تفردي اللحم على الجانبين ولما تخلصي ناحية.. متقلبيش السمكة.. بلاش فضايح شيلي السلسلة بالشوكة والسكينة وحطيها في جنب الطبق وكملي أكل النص التاني.. وبدل الفيلم الهندي ده.. نصيحة ماتكليش السمك خالص.. قولي مابحبش السمك وخلصي نفسك

الجمبري.. لو كنتي عارفاه يعنى -.. أول ماطبق الجمبري ينزل.. بصيله بقرف واحتقار آل يعني زهقانة من كتر أكل الجمبري قولى الجامبو اسيبو ف البيت الائيه هنا.. واتنهّدي جامد وقولي.. برضه..؟؟؟ وتروحي
قاطعة راس الجمبريّاية.. بالشوكة.. أنا ف عرضك إنسي المصمصة دلوقتي

البطاطس سواء مسلوقة أو محمرة.. أوعي تهرسيها وتدبيها على الرز وتدّي ...لا..لآ...لآ...بالشوكة حتة حتة وإنت زي ما تكوني هتعيطي من كتر ما البطاطس صعبانة عليكي يعينى

الفاكهة.. لو الفاكهة فيها بذر.. طلعيه من بؤك بالراحة وحطيه في إيدك وهي مقفولة.. وبعدين في طفاية السجاير اللي ع الترابيزة أوعي ياحبيبتي من نظام التفتفة للبذر.. إنسي
10 -
ولما تخلّصي أكل تحطي إيدك على بطنك.. -اللي عصافيرها بتصوصو من العينات اللي كلتيها-.. وتقولي له مش ممكن.. أنا عمري ما اتفجعت كدة.. أنا قدامي أسبوع.. هابطّل أكل فيه وبعدين تمسكي الفوطة اللي دايمًا موجودة على التربيزة من غير لزمة.. وتبوسيها.. آل يعني بتمسحي بؤّك وبعدين تستأذني منه لإصلاح ماكياجك.. وتخشي التواليت وتطلعي من شنطة إيديك.. لفة الفول والطعمية اللي جايباها ورابطه البصل وقضيها بئى معاكي.. وبلهناااااااااااااااااااااااااااااااوالشفاااااااااااااااااااااااااااااااااااااااااقولت اللى عندى وخلاص مش كده ولا ايه رايكم يـا بــنـــات **نـــصـــــائــحــي لــكــل بـــنــــت مـــخـــطــوبــة او مــرتــــبـــطـــة** 5

**نـــصـــــائــحــي لــكــل بـــنــــت مـــخـــطــوبــة او مــرتــــبـــطـــة** 5

**نـــصـــــائــحــي لــكــل بـــنــــت مـــخـــطــوبــة او مــرتــــبـــطـــة** Get-1191181982

__________________